منتديات قبيلة السهول  

العودة   منتديات قبيلة السهول > المنتديات التقنية > منتدى الاتصالات و الجوال

منتدى الاتصالات و الجوال جميع مايخص الجوال والجهاز الكفي من برامج وثيمات ورسائل

موضوع مغلق
 
أدوات الموضوع إبحث في الموضوع
قديم 11-01-2005, 03:43 AM   #1
صقر الكويت
عضو مشارك
 
الصورة الرمزية صقر الكويت
 
تاريخ التسجيل: 4 / 1 / 2005
المشاركات: 212
ناجح مسجات (شوق ، ذكرى ، حب ، فراق ، غيره ، زعل ، حزن ، أعياد ، ترحيب ، مدح ، صباح ، إلخ)

الســـلام عليكمـ


إخترت لكم مسجات و أتمنى إنهم يعجبونكم



{مسجات ترحيب}

* طيبٍ حالي عسى حالك يطيب ،،، دام صوتك كل ما أخذت أسمعه

* حي الصديق إللي له القلب يرتاح ،،، طيبه يفوح و عادة الطيب فواح

* أهلاً هلا حييت يا نسل الأجواد ،،، إقلط تفضل داخل القلب مركاك


* تحية كلها تقدير ... تخص الصاحب الغالي ... و عفواً لا حصل تقصير ... بقدرك يا بعد حالي ...

* سلام يا حر على الطيب المتبوع ! من بيت عز ما تغير طبوعه !

* قلت للبحر تقدر توصل سلامي و ما تتأخر ؟ قال سلامك حار جداً و أخاف الماي يتبخر !

*هلا بإللي وصاله يساوي دنيتي و روحي ،،، هلا بإللي لا شفت رقمه طابت جروحي

* هلا بإللي معي وافي و لو جار الزمن ما جار ،،،، كريم الكف شيخ الصف لأصطفت قبايلها

* ألا يا مرحبا بإللي علي أبطت مراسيله خفيف الدم و علومه تسلي خاطري الضايق

* أعز الذي تذكرني و خلاني على باله و أحب إللي يراسلني و رقمي وسط جواله

* هلا برقم الحبايب و الغلا كله .. فيك إحتفل كرتي المجنون و الشاشه .. حبك ملك قلبي المسكين و إحتله .. دخل على القلب في جيشه و رشاشه


* هلا بالشوق مادامه نسايم من شذى عطرك ، هلا بك صوت ناداني و قلت من الغلا أمرك


* كثر السلام يقلل العرف بالناس .. ما قالها راعي المثل يبحث العرف


{ مسجات الصباح }

* حبيت أسبق سكان هالكون .. و أقول حق أحلى ما في الكون .. صباح الخير يا عمري


* أصبحك بالورد و ألوانه ... و أحبك بقلب إنت عنوانه ... و أغليك بروح لك ولهانة
* صباح الورد يا غالي كثر ما جيت في بالي .. أحبك لو بعدت عني .. أحبك يا بعد حالي

* أهديك وردة ياسمين لونها لون قلبك .. تصبح عليك و تقول ياعسى الخير دربك

* صباح الشجر و لون الزهر ... صباح الخير يا أغلى البشر



{ مسجات المساء }

* أرق رساله و أسعد وقت لأحلى موبايل في أرق يد و أحلى مساء و بوسه لأحلى خد


* لك سلام قبل المنام و لك طيور تغرد ما تنام و تقول تصبح على أحلى الأحلام


* مساء الشوق يإللي من العسل أصفى و لو بيدي علاج الناس لأخلي شوفتك وصفه


* بغيت أرسل سلام و شعور القلب و إحساسه .. مساء الورد ما تكفي ! يا عطر الورد و أنفاسه


* مساء الغلا و كلمة هلا .. مساء الورد و عظيم الود .. مساء الشوق يا كامل الذوق


* مساء العود و أطيابه .. لأهل الخير و أحبابه .. لمنهو نذكره دايم في حضوره و غيابه


* مساء الخير في لوحة رسمها بالغلى فنان ، تزينها ورود الفل و للغالين نهديها


* مر طيفك في منامي قمت ورديت السلام كيف لو شفتك قدامي تفتكر أقدر أنام


* مساء خاص مو حق أي ناس .. ناس أغلى من الألماس .. رهيفين القلب و الإحساس


* إنت يمكن تنام و تترك الدنيا وراك .. بس آنا لما أنام يبتدي حلمي معاك

{مسجات الأعياد } :033:

* يا قمر يا دنيا جديده .. يا أحلى أبيات القصيده .. كل عام و إنت بخير و سنه جديده



* أهني اليوم بك إنت لأنك من مواليده و أغني لك بميلادك عساها لك سنه سعيدة


* إجمع أحلى الذكريات و إنسى أقسى اللحظات و عيش و لا تبالي و كل عام و إنت الغالي


* كعادته السنوية حفظه الله و رعاه يرسل ( صقر الكويت ) برقيه تهنئه بقرب شهر رمضان و هذا بفضل تمسكه بالعقيدة الإسلامية جعله الله ذخراً للوطن و المواطنين كما إستقبله في جواله برقيات تهنئه بهذه المناسبه



{ مسجات المدح }

* الجمال إللي تكمل بالحيا فيها يذوب ،،، بكتفي لو قلت عنها بالحسن حسن بدويه


* الطيب أساسك و الفخر للي يماشيك ، و الذوق شخصك ، و يا سعد من هو يخاويك


* المدح قد الفعل كاسب و مكسوب ... و إنت الذي من طيب حظي كسبتك


* أدور فيك عن عذروب و لا بانت عذاريبك ... كريم و صادق و محبوب و زود الطيب عذروبك ..!


* وشلون أبكتب و الشعر من هيبتك يخشاك ،،، تراك إنت الوحيد إللي يذل الشعر و يهينه


* من يملكك يبشر غدا الكون بيده ... خلاص وش يبغى ملك أجمل الكون


* إنتي الزهر و الأرض شينه بدونج ،، و أنا المطر و إنتي بدوني تموتين


* ودي في كل يوم أنثر الورد قدامك و إن فاح عطره تراه من دوسة قدامك


* سلام يإللي بالوفا دوم مبداك ... و الأرض فايح مسكها من مواطيك


* بعض البشر بنظرته ياخذ القلب ،،، وش عاد لا زاد الحلا في كلامه !!


* ليا مني تذكرتك دريت إن الزمن بخير ألا يا صافي النية في وقت شانت أطباعه


* أنا ما كنت أبي أكثر من إللي فيك لقيته حنان و رقه و طيبة قلب يا كبر بيته


* مو غريبه من غلاك تنتحر نجمه وتطيح ! الله أكبر لا ضحكت تبرد الشمس و تسيح


* لو كانت الدنيا تثمن بالأصحاب .. وش هو ثمن دنيا عرفناك فيها


* أخذت من عود الربيع الطراوه .. أخذت من ذوق العسل هرج معسول .. و أخذت من وقت الغروب الهداوه .. و أخذت من نجم المساء سر مجهول .. من الطبايع فيك شيمة بداوه .. ما تنطق الكلمه على غير دلول ..



{ مسجات الحب }

* الهوى ما يقبل أنصاف الحلول ،،، يا نصير .. أو يا حبيبي ما نصير



* إنتظرته و قلبي إحساسه يقول ،،، صوت خلي اليوم ما أظن أسمعه



* شفت الحطب لظمته لهفت النار ،،، هذاك آنا كلي حطب و إنت ناري


* يا حبيبي لك الحب كله ... و لك غلا محدن وصله ... دامك خذيت القلب ... وش تبي بالعقل خله


* عسى الزمان إللي جمعنا على الطيب ،،، يبقى على طيبه و نبقى حبايب


* أخاوي الوافين مثلك و شرواك ،،، و إلا ترى مالي بالأنذال حاجه


* غلاك من قده غلاك ... تكبر و هو يكبر معاك
و ياك بالصح و الغلط ... شوف وين وداني غلاك


* كل هالناس بكف و إنت بكف ... و مهما يزيدون تبقى كفتك أرجح


* ما يحببني بقلبك يا الحبيبة إلا فضوله ،،، و ما ينسيني غرامك غير تكرار المصايب


* يا ليت مثلك بالخلايق ملايين !!! لكن حلاة الشي نادر وجوده ..!!


* بنك المحبه لك على طول مديون ... لو زاد صرفك ما يخلص رصيدك ..!!


* أحلى ما فيك كلك .. و كل ما فيك أحلاك .. قلبي و كلي يحبك .. و محد عندي يسواك ..


* كيف أناديك بكلمة "عمري" و العمر فاني .. إنت غير الناس عندي و لك غلا ثاني !!!


* منهو أنا و منهو إنت ؟!
عين و هدب .. روح وجسد .. و شوق وحنين .. و حب للأبد


* أحبك لو يموت الحب و تصير القلوب قبور أشوف الحب هو موتي و أشوفك إنت تابوتي


* هذا إللي بين كل الناس حبيته ... أغليه وأدري كثر ما أغليه يغليني !!!


* ذبحتني بكلمة أبيك .. عذبتني و شلون أجيك .. يا تقول أحبك .. أو تتركني أموت فيك ..


* إن كان المعزة تبني بقلوبنا دار ..! إعرف ترى لك داخل القلب ديره ..!!!


* لك بقلبي وردتين و لك بعيني كلمتين "أحبك" بعين و "مقوى فراقك" بعين


* يمكن أنا بقلبك مالي مكان .. بس وش حيلتي يوم إنك في قلبي أغلى إنسان


* تمنيت البشر مثلك و أثاري ما بهم شرواك أنا أحط البشر في عين و إنت بعين تكفيني


* هذي حياتي إبتدت و أشرقت شمس .. دامي كسبتك نور أنا فيك مغرور


* يا ترى لو قلت أحبك وش يصير ؟؟ خايف الكلمة صغيره و إنت تستاهل كثير


* ما أقول أنسى عيون الناس على شانك ... أقول أنسى جميع الناس لعيونك


* لا تلوم إللي يحبك باع عمره و إشتراك ذنبه الأول يحبك و ذنبه الثاني غلاك


* ما يهمني أي شي حتى لو عمري يفوت .. بس خايف و أنا حي إني في قلبك أموت


* أنا أسأل الليالي وش رد الوفا ..؟؟ لصار خلي بالعطا أصبح بخيل ..!!


* تهت بين الأرقام من يستاهل سلام !! دلني قلبي عليك يا أجمل و أعز إنسان ..


* يسإلوني وش يبقالي لو فقدتك ..!! قلت أبسألكم : هو بعد الروح يبقى بقايا !!


* إن مد الله في عمري و طالت عشرتي وياك أوعدك تشوف بعينك وش هو معنى "غلاك"


* الدنيا علمتني من تحبه لا تبين له غلاه !! إلا إنت ما قويت أخفي عليك الغلا ؟!


* أحبك و أستحي منك و لدري ويش أسويلك ... أخاف أصارحك تزعل و أخاف أسكت تعذبني


* سويتها فيني ... و خليتني أهواك ... أسهرتلي عيني و حرمتني لقياك ...


* أهدي لك سلام ما ينعد ... و باقة ورد ... و بوسه خد ... و عطني رد ... تحبني و إلا لا ؟؟!!

* أخاف أتعود عليك و ما أنام إلا بين يديك و أحبك و أموت فيك و بالآخر تقول ما أبيك


* هني من معاك سولف .. هني من قعد يمك .. يغرق في بحر عينك .. و لو زاد الوله لمك


* أحدن ينام و عنده إللي يضمه ... و أحدن ينام ما لقى من يغطيه


* تموت بعيوني قلوب ومواليف .. و تبقى رفيق الروح حتى وفاتي ..


* لو أفرش الدنيا حرير ما هو على مثلك كثير تستاهل أكثر من كذا محلك بقلبي كبير


* على رشفة أمل ضامي أبي نغمة هلا بشفاك أبي أغرق إلين أغرق و أذوب بموج أحضانك


* تحدتني بك الدنيا خذتك بعيد و بكتني ،، و لكن ما قوت تنزع غلاك من داخل ضلوعي


* ترى الغلا نفس الغلا ما تبدل ، طال الزمن و إلا قصر "ميت فيك"


* لو دروبي عنك بعيده .. و إتصالاتي ما هي عديدة .. بس محبتك في قلبي أكيدة


* إنت مثل الدمعة بعيني أخاف تنزل أفقدها ،، و إذا إنزلت غصب عني أحط إيدي و أحضنها


* ما عطيت الحب غيرك بعت غيرك لو شراني و كل حب غير حبك في قدم رجلي وطيته


* إنتهت كل الرسايل ما بقى عندي جديد غير كلمة أحبك أبتدي فيها و أعيد


* أشوف في عيونك غناتي عن الناس ..! و أحس في قلبك وفاء الكون كله ..!


* الله خلق إبليس .. عاصي و فاجر و ملعون .. و الله خلقني فيك .. مغرم وعاشق و مفتون


* لو تحبني هات رنه .. لو تموت فيني هات رنتين .. لو تعشقني إتصل وقول أحبك


* أنا ماني مثل غيري أحبك يوم و يوم أنسى أنا وربي أحبك موت حتى ولو علي تقسى


* إبشر بقلب ما يجازيك بالصد .. قلب على طول الليالي مصافيك


* يا ريتني رسام أرسمك و أمحيك ،، و أرسمك مره ثانيه و أحتفظ فيك


* "حيرتني" يا سيد البشر ،، "مدري" هو كلامك حلو ،، و إلا أنا إللي حيل أغليك


* قد يبيع الإنسان شيئاً قد شراه ،، و لكن لا يبيع قلباً قد هواه


* يا جعل قلب ما يعزك ويغليك عسى البلا يبلاه لو كان قلبي


* عسى الفرح دايم يغرد بدنياك ،، و عسى الحزن يمك يضيع طريقه


* آخر "نفس" يا الزين جالك هديه ،، ومن "يهدي الأنفاس" مع "طلعت الروح"


* قالوا : حبيبك بعيد .. قلت : المحبة تزيد .. قالوا : تبقى وحيد .. قلت : هو بالوريد


* مدري غلاج بداخلي يخفي عيوبج ... أو إنج أصلن من عيوب البشر خاليه


* لو ما إتصلتي ! لو ما أرسلتي ! لو ما سألتي ! لو طنشتي! إنتي بقلبي مثل ما إنتي يا حبيبة قلبي


* ما أقدر أوصف روعت "غلاك" كل ما كتبت أشطب و أقول لا يا حبيبي "ما تليق بمستواك"


* لو ينشري قلبك ترى الكاش مدفوع نشري قلوب إللي ذبحنا غلاها


* محظوظ منهو ملك وقتك و لو "ساعه" كان تبتسم دنياه و تنتهي قصة أوجاعه


* الود ودي أكتب إسمك على صدري لكن أخاف طيا عمري" تزعجك نبضات قلبي


* إن كان غيرك تبتسم له شفاياي ،، إنت عروق القلب تضحك لشوفك


* شخص عطاني وده أبد ماني بناسيه ،، و من شرى ودي أنا دايم الدوم شاريه


* الله يديم المحبة .. و يديم حبك لنا .. و نصير أحلى ثلاثة .. الحب و إنت و أنا ..


* عمري لو هديته لك "ما أضن تعرف غلاك" أحلف إني أحبك "و أشتري بروحي" "رضاك"

* ما دريت إني أحبك لين قلبي مات فيك ما أبيك تموت فيني بس ذوقني غلاك ؟؟؟؟


* ما نسيتك بس تعمدت نسيانك بأشوفك .. تسأل علي !! أو ما يهمك غيابي


* (خاص نوكيا) :
إرجع إلى صفحة كتابة الرسايل و ضع يدك على الشاشة و إكتب 33662888


* إذا أرسلت لك رسالة راح يتم الإرسال .. لكن الغلا شلون أرسله لك ؟؟


* لو نسى المهموم همه أو تنكر طفل لأمه ما ينساك قلب حبك و جرى حبك وسط دمه


* لو عيوني .. تنطق .. حروف و كلام .. كان قالت .. إنك أغلى من .. نظرها ..


* أنا الغلا !! و أكثر من النفس مغليك ..
أنا الوفا !! رغم الجفا جيت شاريك ..
أنا السهر !! لا نمت عيني تراعيك ..
أنا الذي !! لا ضاق صدرك يسليك ..
أنا غرامك !! بس في صورة إنسان ..
أبختصرها و أعترف جيت هاويك ..


* أهديك شيك بمليون بوسه إصرفه من بنك حبي شارع روحي الدور الأول من قلبي!!


* ياليت ربي خالق القلب شفاف حتى تشوف وش موقعك فيه


* أحبك كثر ما تطري على بالي و لا ألقاك .. كثر خوفي عليك و منك و كثر ما أشهق بإسمك

* أحلف بإللي خلق آدم قدرك يساوي عيوني لو عطوني ملك هالعالم فيك ما يعوضني


* أحبك .. بعد أحبك .. و الله أحبك .. كيفي أحبك .. للصبح أحبك .. حيل أحبك .. و الله لأدوخك أحبك .. أظل أحبك .. أحبك .. لو تكسر الزر أحبك .. لا تستغرب .. أحبك .. أنا أحبك .. أحبك .. المرسل : يحبك ..


* لك .. من صميم الروح .. ميزه عن الغير .. و لك .. في خفوقي .. من الوله شي ثاني .. القلب يحمل لك .. ميزه و تقدير .. و العين تعشق .. شوفتك لو ثواني .. و الروح عندك .. عايفه عالم كبير .. ماهو بيدي .. لا صار غلاك هو كياني


* قبل إتصالك تجي لهاتفي حاله .. يهتز لو ميزة الهزاز ملغيه .. يتنهد من الفرح و يسوق مواله .. و تظهر على شاشته ألعاب ناريه .. غلطان من يعرفك و يصك جواله .. مفروض تحسب عليه رسوم إضافيه ..


* من يقول إن الغلا حده حدود .. و من يقول إن الهوى جامل أحد .. جيتك بالوعد ياأحلى الوعود .. جيت بالشوق و اللهفه بعد .. بأنثر حروفي على أرضك ورود ..و بأفتخر إني .. أخاويك للأبد ..


* ترى هذا مو طبعي إني أهمل ناسي و ربعي لكن وقتي "القاسي" يغير دوم من وضعي


* من طيب أصلك و وصلك ضاقت المعاني .. تمنيت الناس مثلك و كانت أصعب الأماني


* إن كان أنا من كثر حبه طحت مشلول !! خذوا الدوى من ريقه و إدهنوني .. و إن كان أنا من كثر حبه صرت مقتول !! وصيتي في ثوبه كفنوني .. و إن جاكم لا تدفنوني على طول !!قولوا له ( إنت السبب ) و إدفنوني ..


* رجف قلبي من غلاكم و حلف ما يعشق سواكم وينكم ساسي و ناسي ماتت الضحكه بلاكم


{ مسجات الغيره }

* لا تلومني ترى من زود حبي لك ،،، خلاني أغار حتى من نفسي عليك


* حس فيني نار الغيرة إحرقت يوفي ،،، مدري أبكي و إلا أصيح بعالي الصوت


* من تحداني في غلاك ؟ أقبل تحديه ! و من يشاركني حبك من الأرض أمحيه !!


{ مسجات الشوق }

* دام شوفك ياهوى بالي صعيب ،،، العوض في صوتك إللي نسمعه


* عمر المسافة ما تعيق المحبين ... يبقى الغلا و الشوق لو هم بعيدين ..


* تغيب ودك تشعل الشوق فيني ... إن غبت أو ما غبت ... لك شوق بداخلي ما غاب !


* لك .. وحشه .. تسلب قلوب المحبين .. و دنيا بلا حسك تراها خسارة ..


* تعودنا على قربك و صار الشوق يذبحنا ترى الدنيا و لا تسوى دخيلك لا تقاطعنا


* حاولت أجاري حرقت الشوق و أسكت ، لكن فضحني صمتي إللي كتبلك مشتاق مشتاق


* مدري .. غلا .. و إلا وله .. و إلا محبه .. لا شفت رقمك غصب عني تبسمت ..


* يقولون المحبة شوق و أنا شوقي بيقتلني ، صحيح إنك بعيد عني و لكن مسكنك قلبي


* غالي دون البشر .. ليه البعد و الهجر .. أنا بشوق أنتظر .. لو سمحت مسج لأنفجر


* ثلاث تقطع القلب :-
مريض بلا طبيب .. إنسان بلا حبيب .. و إنت لما تغيب ..


* ليه الرسايل طولت ما تجينا .. ما أدري "جفا" و إلا علينا "خسارة"


* مشتاق أسولف معاك ،، و أحس لحظه بهواك من كثر ما أقول غالي زاد بغيابك غلاك


* (أعز الناس) وينك : نشوفك ما تراسلنا > إذا بصحة طمنا و إذا تتغلى علمنا


* ترى و الله لك وحشه و قلبي فيك أحرجني لقيته شايل عفشه و جاك يقول إلحقني


* أنا عمري بقايا شمع أحرقني الأسى و الشوق إذا ما فيك ترحمني إحرق ما بقى مني


* لو هي الدنيا بكيفي و الأماني ما تخيب ،،، كان أسكنتك عيوني و عن نظرها ما تغيب


* ------ نايمه و خذيت تلفونها ودزيتلج مسج لأني ولهانة عليج
المرسل : قلب -------


* وصل همسك مدى قلبي دعاني الشوق ولبيته فدى عيونك أنا أرسل يا أغلى شخص حبيته


* حب كلمه من حرفين سوت لي همين هم فراقك و هم غيابك عن العين


* يمكن إبتعدت و إنشغلت و عليك ما سألت مده و قصرت !! بس الأكيد إشتقت لك وولهت


* على الذكرى أنا وياك و رب الكون ما أنساك أبرسلك أنا مشتاق و عيني تنتظر لقياك


* تسلملي عيون إللي يراسلوني خاب ظني و ما نسيتوني أحن لكم و الله وحشتوني


* هزني الشوق وقلت أرسل رسالة ... عسى قلبه يحن و أجي شوي على باله ...


* مبطي و أنا لك يا أبيض القلب مشتاق ... شوق العمي لمشاهد الكون ساعة ...


* يا رسايل الشوق ... رشي الطيب ... بيد الحبيب ... و بلغيه إنه عن ... الخاطر ما يغيب


* لا فؤادي و لا عيوني لو خسرتك ينفعوني يا صدى صوتي و سكوتي بعدي عنك هو موتي


* يا حروف أحلى رسالة خبري أغلى البشر إني مشتاق لشوفه ويومي من غيره شهر


* عيني بعينك .. خل عنك التغلي ..! في ذمتك .. ما إشتقت لصوتي و طرياي ..!!


* كل ما جاني مسج حسبته منك !! و أثريني واحشه كل الناس !! إلا إنت !! ما وحشتك


* تشتت بالفكر عقلي .. تحيرت و نفذ صبري .. نهيت الشوق لا يرحل .. و عيا لا يطاوعني حبسته داخل ضلوعي منعته في قفص صدري .. قهرني و كسر ضلوعي .. تجاوزها و تجاوزني .. يعاندني و يحرجني .. و دايم ما يطيع أمري .. إذا قرر يجي يمك !! يروح و ما يشاورني


* ضاق خلقي بدونك و قلبي إشتاق لجنونك وينك يا بعد عمري ما تبي مجنونك ؟


* أنا رساله جيت من عند غالي .. شخص موصيني أوصل سلامه .. جيتك أشيل الشوق بأول و تالي .. في شاشة الجوال هنا كلامه .. وش هي علومك يا بعد حال حالي


* أغيب لاكني على العهد باقي .. يردني "شوق" على الود لا زال .. ما غيركم يا زين للعين لاقي .. لك بالمحبه في لجى الروح منزال .. هاك العهد مني ليوم الفراقي .. ما أنسى غلاكم لو الزمن بيننا طال ..؟؟


* أغيب و أبطي عنكم ما هو جفا فيكم .. قصدي بس لاجيتكم تكونون لي مشتاقين


* لا تحسب إني لوبعدت بنساك ..إنت مثل شمس الشتا بعيد لكن ما أروع دفاك


* مشتاق صدقني لعطفك و راجيك .. ( أرجوك ) .. لا تكسر عيوني بفرقاك .. رغبة طفل كلي يحبك و يغليك .. كنك حنان الأم و الجنه .. رضاك .. يا شيخ ما هو هين .. أنسى و أخليك .. يلعن أبو العشره إذا القلب ينساك ..


* ليت أخسر عيوني و لا أعيش بالنظر ممنون يقولون أعمى و لا يقولون من شوفتك محروم


* قالو : البعد يخليك تشتاق!! قلت : ورب الكون حتى و أهو جنبي أنا ميت من الأشواق


* أبرسل مع الطير شوقي و طيفك بالحشا موجود و ماني بقاطع حبك لو دربي بالهوى مسدود


* يا دنيا مشتاقه لهم وش كثر حلو حبهم ويوم أتذكر صوتهم أتمنى بقلبي أضمهم


* ودي بشوفك لكن الوقت ما طاع !! حكم الظروف و مالنا حيله..


* أخرت مراسيلي لجل تشتاق و أشتاق .. و أشوف إللي لها القلب يشتاق ..


* دورت له كلام أعبر فيه عن إحساسي ما لقيت إلا ( مشتاق ) أرسلها مع أنفاسي


* تغيب ودك تشعل الشوق فيني !! مجنون إنت !!!! إن غبت أو ما غبت لك شوق بداخلي ما غاب ..


* وقف و قلي .. من قتل فيك الأشواق .. و خلاك تنسى حب حطم كياني .. تبفى عزيز و جرحك إللي بالأعماق .. ذكرى عزيزه من حبيب كواني .. أشتاق لك وقت مضى و أرجع أشتاق .. و اقول معقوله حبيبي نساني ؟؟


{ مسجات زعل و حزن }


* أنا مزاجي و أطيع إللي يطاوعني ،،، و إن كان لي خلق أمررها..أمررها


* أبعتذر عن كل شي إلا الهوى مال الهوى عندي عذر ..


* ما كل من يضحك مع الناس مبسوط ،،، يا كثر من يضحك و نفسه حزينة


* أضحك مع الناس و أبكي مع نفسي ،،، و أمشي بلا إحساس محدٍ درى عني


* من الفرحة نسيت إني عليك البارحة زعلان نسيت أقول لو تسمح تكرم لا تكلمني


* يا ضايق الصدر بالله وسع الخاطر ،،، دنياك يا الزين ما تستاهل الضيقة


* مصدر حياتي عزتي و إعذريني ،،، مقدر أواصل بالهوى حاني الراس


* أون و كلٍ يحسب إني أغني ،،، عليل و كلٍ يحسب إني مداوي


* أنا ما أمشي ورى غيرك و لو إنه يطق الباب ...
و ترى عيبٍ عليْ أطعن و لو كثرت سكاكيني ...


* لا تلومني حبيبي لو مره قسيت عليك و إفهم شعوري و إعرف إني أموت فيك


* طلبتك لاتخلي ضايق الصدر بالحاله .. تراني على حد القهر لا تخليني..


* دامك عزيز و لا يساويك (مخلوق) ،، سيف ! الغلى طالبك لا تسله ؟!


* هي أجمل الكلمات قلها كلما ضج الفؤاد و ضاقت الأزمان .. ( لا إله إلا الله )


* عودتني ما أزعل عليك بحياتي .. و إن الزعل مرفوض ما بين الأحباب


* كابر قد ما تكابر راضي و متحمل و صابر يا إللي الحياة من دونك (حبيبي)أعذبها مرار


* إن كنت تضحك يا عساها على طول .. و إن كنت متضايق يا عساها دقايق


* تكابر و إنت تغليني .. تقدرني و تموت فيني .. أهمك أو ما أهمك .. أنا في قلبك و دمك ..


* إن كان صدر إللي أعزه وسعني ماهمني ضيق الزمن و إتساعه


* آسف على الطيب تردى حاله .. و إلا الردي ما من عليه حسافه


* كل الجروح بالدوى تبرى .. لكن إطعوني ما لها إدوى


* بأشتري ضحكة شفاتك بألف دمعه من عيوني .. و بحتوي حزنك و لو ضاعت كل سنيني


* قلت أبكتب لك رسالة كلها لوم وعتب و يوم أنهيت الرسالة غير أحبك ما إنكتب


* مصير جروحنا تذبل قصر هالوقت أو طالي .. بس خوفي صياحها يحيي جروح ميته فيني ..


* ضايق و أشوف الحال ما هوب ينطاق .. لا الأرض تاسعني .. و لا الجو جوي


* لو إنت سبب جرحي عساه ما يطيب .. و لو أنا سبب همك .. عساني عن هالدنيا أغيب ..


* أحس الجرح ما يبرى كبير و حطم آمالي !! خذلني واحدٍ غالي أرخصني يوم أغليته


* رشوا على قبري من دموع عينه .. لا بد يندم كامل الزين وينوح


* تبسم للزمن تكفى .. ترى صمت القهر حراق و (حذاري) تذرف الدمعة لو إن النفس مجروحة


* لا ضاق صدري تصفحت الرسايل ، و أرسلت للي يبعد عن الضيق طاريه


* خلك كذا أحسن يا زهرة السوسن ،،، نصيحة من قلبي إترك الأسى أهون


* تلومني لا جيت كلي من أقصاي !!! هو في غيرك لا تضايقت جيته ؟؟؟


* مشكور يا قلبٍ صفالي من الناس عسى الحزن يمك يضيع طريقه


* لا تزيد إطعوني أوجعت الخناجر ،،، ما بقى عرقٍ بقلبي ما ثنيته


* أنا معك في مجلس الضيق (مركاك) و (سبحة) .. يمينك .. تلتهيبي إليا ..(ضقت)


* أمانه لا تلوم القلب إذا منه حصل تقصير ترى يكفيه يا عمري سهوم الوقت تجرح به


* نصحت القلب لا تبكي .. و قال القلب وحداني .. أبي أضحك أبي أحكي .. و لكن وين خلاني


* عزاه من وقتٍ مضالي بالأفراح ... أنشهد إني مفلس اليوم عنها


* لا تسيل دموعك و إن سمعت كلمه من حقير إضحك .. ترى غبن الحقير إبتسامة الإحتقار


* إن كنت ما أدري بغلاتي و أنا حي ..!! وش مكسبي كانك حزنت بوفاتي


* أكره الدنيا إذا كنت علىْ زعلان و يا زين هالدنيا إذا قلبك علىْ ولهان


* مدري وشلون صارت جروحي ،،، تسليك عقب الوفا و شلون !! (غرتك دنياك)


* يا ليت لي جرح ينشاف دمه مير البلا من جرح ما إنشاف له دم


* بانتظر باكر عساه يصير أحسن من أمس .. تهدا النفوس و تبرد عروق دمي


* خل المعاند و إترك إللي براسك .. تلقاني أكثر من صدق لك بهالكون


* من راح عني قلت يا عله مصيب .. دورت له عذرٍ كريم و عذرته


* إللي يبي بعدي أنا ماني قريب .. أما ربحني و إلا أنا ما خسرته


* أنا ماني عصا بيدك تحركها يمين يسار .. أدلل من يدللني و من يلعب تناسيته


* طبعك معي موجب ولي طبع موجب .. أشبهك و أقطاب التشابه تنافر


* لا تعتقد في روحتي بتخسر شي .. خذني سحابة صيف مرت وعدت


* للي صدق وياي أنا أصدق إنسان .. و للي كذب وياي كذبي مصيبة


* صارت غيبتي عادي يمر اليوم و ما تسأل يسره قلبك إبعادي و قلبي بغيبتك يزعل


* ودي ولكن كيف تحقيق ودي؟ عيا (زماني) لا يجيني على الكيف


* شرب على غير الضما يجرح الكبد ..!! و حب على غير المودة خسارة


* للعشق براسي يا بنيه رصيد .. لو يطيح الحب وش لي بالحياة


* بعلمك وفاي إللي تموت و ما تعلمته ! و بترك لك خطاك إللي بموت و ما تعلمني!


* بعد الخيانة إنتهت رغبتي فيك .. و إن كنت تذكرنا ترانا نسيناك


* أنا مع الأيام طحت و تعثرت إحتجتلك و بضيقتي ما لقيتك قصر زماني بالوفا وإنت قصرت ضحيت من عمري و صنت ووفيتك ما دمت بوصلك عليا تكاثرت أرخص حياتي إن كان في يوم جيتك و اليوم حددت النهاية و قررت لاعاد يوم به عشقت و بغيتك لو يرجع إللي فات ومني تعذرت ما تلحق إللي في حياتي عطيتك


* أبرحل و الطريق إللي يودي ما يرجعني يبي يغنيني الله عن هوى حبك و طاريه.. لا ذكرى و لا طاري تجيبك عندي بعد اليوم نسيتك مالك بقلبي لا ذكرى و لا طاري


* أبشرك ما عاد يوجعني فراق .. و أقسى ( وجع ) فيني يزول بثواني .. عودت قلبي لا حمل هم أو ضاق .. أرمي و لا أسأل عن إللي رماني .. و عودت نفسي "للمتاهات" ما أنساق .. و لا اسيل دمع عيني و اعاني ..


* لا ضاق صدرك لا تلتفت و تحتار .. لك صاحبن يكسر عظام (المصيبه)


* و إنت مو يمي أنا ياما بكيت من صبري و عناي .. زاد علي همي و إنت مادريت أنا مت و حييت و إنت مو معاي..


* فيني ألم ما مر في " قلب مطعون" فيني حزن ما مر في "عيون الأيتام"


* و لا تزعل و لا تتعب شعورك و لاتاخذ على خاطرك مني أبي أتأسف إلين أرضي غرورك و بقول إني مقصر غصب عني


* علموج القساومه و إنتي طبعج حنون .. كيف تجرحين دموعي و إنتي وسط العيون ..


* لا تحسبك لا أخطيت أضعف و أراضيك .. أحط ( أنا ) قمت غرورك ورايا ..


* أنا عندي بهالدنيا قناعه ألم جرحي و لا أطلب شفاعه .. و لا أشكي و دمعي عيب علي أهله


* نصيحه : إترك حبيب في عذابه يبكيك ..حبه و شوفه و إتصاله ( مزاجي )


* في جيتك لي ترى ما تحرك أشجاني ..!! لا يفز قلبي و لا تشتاق لك عيني


* ما دمنا أحباب و الأعذار مقبوله .. الزله إللي تجي من بيننا عادي


* نافق تعيش و جامل الناس تنحب و بيع الضمير و تشوف كلن يجيلك


* جيتك على رجوى معالج جروحي .. ما كنت أظنك تلحق الجرح بالجرح ..

* يا حلو الأيام لو ترجع على كيفي .. ماكان قلبي شكى فرقا مواليفي


* إترك عنادك معي بعرضه و طوله و أنا معك بأتلطف و أترك عنادي


* إذا رجلك بدت تمشي بدرب الصد و النسيان سلامة رجلك الحلوه أبنسى قبل تنساني


* من عقب الأحباب مكسوره مجاديفي .. غرقان و الموج يلعبي على كيفه


* روح خل إللي خذاك من عيوني يسليك .. بكره تشوف الفرق بينه و بيني ..


* أنا جريح الأمس و اليوم و الغد .. و هذي جروح العمر أحصي عددها .. لقيت أنا الدنيا ترى ملعنت جد .. فيها الكلاب السود تاكل أسدها ..


{ مسجات الذكرى }

* دايم الذكرى لها طبعٍٍ غريب ،،، تاخذ الفرحة و تعطيك العذاب



* خوفي أكون ذكرى يمحيها العمر أو رسالة تبتدي بكلمة حبيبي و تنتهي بكلمة شكر



* إن كان الحب أقوى من الصداقة .. فالصداقة أبقى من الحب ..


* هذي الرسالة خلها اليوم تذكار .. فيها الغلا و الحب مني هديه


* إجمع أحلى الذكريات و إنسى أقسى اللحظات عيش و لا تبالي


* لا صرت تذكرني أنا أقول مشكور .. ذكراك تكفي يابعد من نساني


* الذكرى شي ماضي .. و الماضي شي جميل .. فتذكرني بقلب راضي .. فالرضى طبع الأصيل


* كثير قلوب كذابة .. و كثير من ينسى أصحابه .. بس صاحبك له قلب .. صعب ينسى أحبابه ..


* ليت الليالي يا زمن دوم تنعاد و ترجع ليالينا و جمعات الأصحاب


* طلبتك لا تقاطعنا و دوم إبعث تحياتك معاك أيام عشناها لها بقلوبنا ذكرى ..


* ذكرتك و أنا ساهي و هلت مني الدمعه .. ذكرت أيامنا الحلوه .. وحنت نفسي للجمعه ..

{ مسجات الفراق }

* يا إللي تلوم القلب بفراق غاليه ... جعلك بدنيا الحب تاخذ نصيبي

* على كيفك إذا بتروح ،،، أنا ما أجبرك تبقى

أعرف إللي يحب بروح ،،، بعد ما يبتعد يشقى


* إليا جفاك إللي من الناس تغليه ،،، خله فلا بد الليالي تجيبه


* تدرين و أدري بنفترق .. تدرين قلبي بيحترق .. حنا إتفقنا بكل شي .. إلا الزمان عيا لا يتفق ..


* خبروه إني على وصله حييت ،،، و إن تفارقنا ترى موتي دنى


* روضتي جفت و أنا خلي سيول ،،، مبتعد عني و قلبي يتبعه


* كنتي الأماني الحلوه إللي تصورت ،،، و كنتي لي القمره لا جيت ساري
وكنتي لي الفزعه لا من إني تدهورت ،،، لا تاهت أفكاري يميني و يسراي


* لو إنت على فرقاي دمعك تنثر أنا على فرقاك قبري بنيته


* ما أضمن لك الأيام .. أضمن لك إحساسي .. لو نفترق أعوام .. ما يموت إخلاصي


* مهما ظروف الوقت عنك خذتني ... صافي الغلا ما ياخذه غيرك إنسان


* لا تقطع الوصل و إسأل عن الحال ... اليوم أنا معك و بكرى تحت الرمال


* لا تقاطع من يحبك ... لا تعتذر في ظروفك ... هاك عمري هاك كلي ... بس لا تحرمني صوتك ..


* لي صاحبٍ غاب و غابت مع مراسيله ... مدري يدلع أو زادوا محبينه


* منسى ربعي و لو الزمن يقسى ،،، لكنهم صاروا أقسى من الزمن و نسوني


* يا رسايل علميهم !! كيف قلبي ذاب فيهم !! و لو مضى وقت و نسونا !! يا رسايل ذكريهم !!


* ما عاد باقي لي من الناس غير إنت ،،، و حسرتي كان إنت عني تخليت


* أنا باقي لجل عينك و حبي قيد في يدينك تأكد لو قدرت أنساك جعل يومي قبل يومك


* ما قتل قلبي سهام و لا طعن جوفي رماح ما ذبحني غير واحدٍ قال أحبك ثم راح!!


* تبكي عيوني على فرقا مثلكم غالين ... لعنبو جد الغلا كيف عقب العز بكاني


* أنا من بعدك أتألم و كل الهم سكن فيني ... أخاف أدق و أتكلم صدى صوتك يبكيني


* شعوري لك مثل ما كان أنا مو طبعي النسيان و لو طالت بنا المدة ترى مازلت أعز إنسان


* إن كان قصدك على فرقاك تلوعني ... عشرات مثلك طواهم ليل نسياني


* عودتني دنيتي من أحبه يختفي لكن أنا من عادتي من أعرفه ما يتنسي


* ما ني بميت لينسيتي غرامي ،،، ببكي عليه أيام لحد منساه


* وينك يا قمر غايب .. من حبك ماني تايب .. إسأل حبيبي .. ترى لك حبايب


* أنا بدونك ليتني يوم ما كنت ... بس إنت قلي كيف حالك بدوني


* يا ليت من يطري على البال ينشاف ... و ياليت من نبغاه دايم نشوفه


* لو أنسى كل الناس .. و أنسى أنا حالي .. و يموت كل إحساس .. ما أنساك يا غالي


* بدونك دنيتي تصغر و صفى النفس يتعكر و تظل الدمعه حيرانه على بعدك ترى ما أقدر


* أحس إني بلا صوتك مثل ديره بليا ناس .. تخيل كيف يعيش إنسان في وحشة شوارعها


* سرحت بفكري الحاير أدور كلمه أرسلها و أثري كل الحكي يوقف على كلمة "فقدناك"


* "تغلى" بس على هونك تراني بالغلا تعبان أعاني لوعة غيابك و قلبي حيل مشقيني


* إذا أرسلنا ما تردون و إذا قطعنا ما تسألون ! قلنا إنجرب الموت يمكن تعزون


* أنا بنفسي غيابك ماني عارف أسبابه ! يا ليته يبين وش قصده من غيابه ..!!


* قسى قلبه و هو طيب و لا فكر يكلمني بخيل حيل في و صله كريم بزود هجرانه


* عساك تدري بغلاتك قبل تاخذك ظنوني .. ما ودي بالقطاعه بس الظروف منعتني


* إذا قصرت في وصلك يوم أطلبك تسامحني ترى آخرتي كفن أبيض وقبر صغير يحتويني


* كثير قلوب كذابة و كثير من ينسى أصحابه بس صاحبك له قلب صعب ينسى أحبابه


* تبيني أصبر عن غيابك لا غبت !! عطني مثل قلبك و أسوي سواتك !!


* طولت حيل أبسإلك جد وينك ؟ دخيل الله و بعد الله دخيلك لا تقاطعني


* و شلون بنساك قلي و إنت خابرني ... طاري الجفا لا طرالي ترجف عظامي ...


* قالوا : ينساك في غيابك ، قلت : مستحيل ، قالوا : واثق من جوابك ، قلت : شوفوا رده إلحين ؟


* ترى الوفا بقلوبنا حي مامات ... و أحبابنا لو يطول البعد غالين


* لو الجفا و البعد يصرف "شهادات" !! كان إنت !! ماجستير(نسيان و قطاعه)


* يا مختفي وينك عن الناس غايب .. دنيا بدونك في عيوني و لا شي ..!


* طبع الليالي بالسعادة (قصيرة) الله يذكر من فقدناه (بالخير)


* شخبار الغلا قلي ؟ أفا و الله يا خلي ! لك أيام يا القاطع ! لا تمسي و لا تهلي !


* سامح الله من جفوني ناس الخاطر هواهم بالقطاعه بادروني دون سبه ! وش بلاهم


* ودك تلاقيني .. ودي بلقياك .. لكن ظروف الوقت ما ساعدتنا


* سلام .. يا غايب عن العين .. و عن القلب ما غاب .. و شلون حالك يا بعد كل غالي


* لي إخت في الله غايبه و غابت مراسيلها مدري تتغلى و إلا زادت فواتيرها !!


* أبكي و أنادي ليه قطع المواصيل .. متى على الله ساعه الوصل تاتي .. يا دمعتي لا تطلبين المناديل .. تكفين يا عيوني من الدمع هاتي .. وينه ونيس الصبح و العصر و الليل .. في غيبته غابت جميع أمنياتي ..


* فقدتك حيل صدقني عادتك ما تقاطعني و أن غاب صوتك تراسلني عساك بس بخير تذكرني


* ما هوب أنا إللي للعزيزين نساي .. يروح عمري و الخوي ما نسيته ..


* عسى حكم القدر يرفق بقلب ما بغى فرقاك و عسى الأيام تجمعنا و أحطك داخل عيوني


* "باصبر" على فرقاك و إن عشت محروم !! "يكفي" خيالك سبه في سروري !! حتى إنت لا تشتاق لا منت ملزوم !! أدري بحياتك " منتهي" كل "دوري"!! ما كان لي وياك بالحب مقسوم !! بس "أعترف" ( لازلت ) عيني و نوري


* الغالي غاب و غابت مسجاته .. مدري يتدلع علي و إلا خايف على فليساته ؟؟


* غيبي يعني إيش لما تغيبين .. أنا طبعي كذا أحب التعالي


* لا صرت في فكري .. و أنا في خيالك .. ما نفترق لو قال الزمان ( إفترقنا )


* غابوا ما ندري السبب !! لا كلام و لا عتب !! قالوا الذهب يبقى ذهب .. حتى مسج لا ما كتب !


* أغيب !! و آخذ لي مع الوقت وقفات .. ورغم الغياب حبكم ما نكرته


* يعلم الله ما نسيتك و إني أتألم و أبيك و ما من ليله إلا وداعبني خيالك !!


{ مسجات فكاهيه }

* كذا مو حلو .. لا رسايل ترسلوا .. و لا سؤال تسألوا .. إذا علينا تبخلوا .. طب رنه و إقفلوا


* يا رقه .. يا حلوه .. كلك جاذبيه .. طيب ليش تبتسمين .. أحد قال إنتي


* إذا صحيت و لقيت نفسك .. في غرفه ظلمه و الدم حولك .. لا تخاف إنت في قلبي


* خطير و مو هين و الصداقه معك عال العال ، إذا إحتجناك في فزعه معانا رقم جوالك ..


* أمشي و أفكر فيك و عيوني مخطوفة .. أتخيل إنك معاي .. لين دعمت الطوفه

* إكتشفت إنك بويهين .. إسمحلي .. بس هذي حقيقتك ..مره عطر و مره عسل


* وين البخت يا فلان و تقول لي مبخوت رحت أشتغل دفان محد رضى يموت


* إنت حلمي و إحساسي .. أنت روحي و أنفاسي .. إنت أجمل و أنا الرصاصي ..


* بالعربي : أحبج ،
I LOVE YOU بالإنجليزي :
بالعجمي : جعل عيني ما تبكيش


* ما أوصيك : بالك لا يشغلونه ، قلبك لا يسكنونه ، محلي لا يبدلونه ، و حبي لا يشطبونه


* واحد غبي فتح الثلاجة شاف الجيلي يرجف ، مات من الضحك ، قال : لا تخاف بشرب ماي


* لما بفكر إنك تفكر إن أنا مبفكرش فيك الفكره دي بتخليني أفكر إنك بتفكر فيا


* أحول يعاكس حولا قال يازينك إنتي و إختك ، قالت صرف إللي معاك و تعال


* واحد غبي داش متحف قعد يلحس الصور ليش ؟! يتذوق الفن !!


* دعاء للناس : اللهم إجعل زوجي يعشقني ، أنحاش منه و يلحقني ، ألته كف و يضحك لي


* 777 ... ألو النجده ... في واحد واحشني ... و اليوم مطنشني ... ممكن يكلمني؟؟!!


* إسمع إنت و وجهك ... يا تصير إنسان مثلي ... أو تخليني قمر مثلك ...


Keef toma *
مسكين ما تعرف إنجليزي بس بساعدك !! إرجع و إقراها بالمقلوب


* مدري أنا مقصر .. و إلا إنت زعلان .. و إلا عشرين فلس .. تفرق الخلان !


* مسحي إسمي ... و إنسي رقمي ... و لاتكلميني ... إن لقيتي وحده تحبج أكثر مني

* كل التلفونات ترن إلا تلفوني ساكت ، مدري خلل فني ، مدري الحبيب كاشت !


* سواها البخت و ذبك عليا مو آني كنت ناقص أذيا ما أريدك تحبني .. أريدك تموت بيا !!


* رمضان مبارك .. و سوزان مبارك .. و مبارك نفسه .. و دقي يا مزيكه


* ترسل رسالة .. أموت سعادة .. تدق دقه .. تجيني شرقه .. تقول ألو .. أموت يا حلو ..


* ودي أضمك .. وبحناني ألمك .. و إبن أمه يفكك .. المرسل : الكهرباء 220 فولت


* إدخل صندوق الوارد أمانه ترسل لي المسج رقم 6 وش ما يكون نشوف حظنا معاك ؟!


* دكتور شغل أغاني حق مجانين كلهم رقصوا إلا واحد إسأله ليش ما رقصت ؟ قال: إسكت أنا المعرس


* بخيل نام العصر حلم إنه يوزع فلوس .. قام مخترع .. قال :أكبر حمار إللي ينام العصر


* عجوز خيروها تتزوجين و إلا تحجين ؟ قالت : و الله ياجماعه الكعبه مراح إطير




مــــع تـحـيــــــــــات
ص
ق
ر

ا
ل
ك
و
ي
ت
__________________
[align=center]سبحان الله وبحمده

سبحان الله العظيم
[/align]

التعديل الأخير تم بواسطة صقر الكويت ; 11-01-2005 الساعة 04:07 AM
صقر الكويت غير متصل  
قديم 11-01-2005, 05:41 AM   #2
مشاعر
عضو
 
الصورة الرمزية مشاعر
 
تاريخ التسجيل: 13 / 12 / 2002
الدولة: الكويت ديرة الخير
المشاركات: 40,960
افتراضي

السلام عليكم



تسلم والله على هالمسجات الرائعه المنوعه

مشاركه حلوووووووووووووووه


شكرا لاعدمناك ياخوى
__________________


اللهم ارحمهما و ارحم جدتي وجدي رحمة واسعة يا كريم
مشاعر غير متصل  
قديم 11-01-2005, 07:27 AM   #3
صقر الكويت
عضو مشارك
 
الصورة الرمزية صقر الكويت
 
تاريخ التسجيل: 4 / 1 / 2005
المشاركات: 212
تعجب شكر خاص

شكر خاص لج يا " مشاعر " على تواصلج الدائم

عساني ما خلى منج
__________________
[align=center]سبحان الله وبحمده

سبحان الله العظيم
[/align]
صقر الكويت غير متصل  
قديم 11-01-2005, 10:33 AM   #4
~بروق نجد~
عضو مميز
 
تاريخ التسجيل: 19 / 1 / 2004
الدولة: العاصمة
المشاركات: 800
افتراضي



هلا صقر الكويت


يسلمو على هالمسجات من جد رووعه


ويعطيك العافيه


دوم مو يوم

~بروق نجد~


~بروق نجد~ غير متصل  
قديم 11-01-2005, 01:02 PM   #5
براق الصيف
عضو شرف
 
تاريخ التسجيل: 2 / 3 / 2003
الدولة: Kuwait
المشاركات: 6,227
افتراضي

شكرا صقر السهول على المسجات الصباحيه والمسائيه
__________________


أنا وخللي كل دارن وطنا ** عيني وقلبي كلها له هديه
براق الصيف غير متصل  
قديم 11-01-2005, 02:00 PM   #6
صقر الكويت
عضو مشارك
 
الصورة الرمزية صقر الكويت
 
تاريخ التسجيل: 4 / 1 / 2005
المشاركات: 212
ناجح

هذا من ذوقج يا بروق نجد

ودمتي لنا سالمه يالغاليه
__________________
[align=center]سبحان الله وبحمده

سبحان الله العظيم
[/align]
صقر الكويت غير متصل  
قديم 11-01-2005, 02:03 PM   #7
صقر الكويت
عضو مشارك
 
الصورة الرمزية صقر الكويت
 
تاريخ التسجيل: 4 / 1 / 2005
المشاركات: 212
ناجح

هلا بك يا براق الصيف

و مشكور على تواصلك
__________________
[align=center]سبحان الله وبحمده

سبحان الله العظيم
[/align]
صقر الكويت غير متصل  
قديم 11-01-2005, 04:08 PM   #8
شبيه الغزال
عضو مميز
 
الصورة الرمزية شبيه الغزال
 
تاريخ التسجيل: 3 / 1 / 2005
المشاركات: 751
افتراضي

ياعيني على المسجات الحلوة

تسلم اخوي صقر
__________________
شبيه الغزال غير متصل  
قديم 11-01-2005, 04:30 PM   #9
صقر الكويت
عضو مشارك
 
الصورة الرمزية صقر الكويت
 
تاريخ التسجيل: 4 / 1 / 2005
المشاركات: 212
تعجب شكر خاص

تسلمين يا الغزال نفسه هذا من ذوقج
__________________
[align=center]سبحان الله وبحمده

سبحان الله العظيم
[/align]

التعديل الأخير تم بواسطة صقر الكويت ; 11-01-2005 الساعة 04:31 PM
صقر الكويت غير متصل  
قديم 11-01-2005, 08:08 PM   #10
سعد الغزواني
عضو ذهبي
 
الصورة الرمزية سعد الغزواني
 
تاريخ التسجيل: 23 / 1 / 2003
الدولة: الســعــوديــه
المشاركات: 2,795
افتراضي

تسلم على المسجات الرائعه


وتمنى من اخواني المشرفين تثبيته لأنه موضوع يستاهل



لاهنت
سعد الغزواني غير متصل  
موضوع مغلق


الذين يشاهدون محتوى الموضوع الآن : 7 ( الأعضاء 0 والزوار 7)
 
أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وسط ترحيب من المستهلكين ومخاوف بعض أصحاب المزارع مولعتهاومشعلتها المنتدى العام 0 07-08-2006 01:46 AM
أصعب فراق فراق عكف الأشانيب صليب راي منتدى الشعر النبطي والمحاورة 10 20-11-2005 02:17 AM
صباح الخير ... صباح الورد الجفول المنتدى العام 19 09-04-2004 03:46 PM


الساعة الآن 02:37 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى