الشاعر شنار بن سداح المنجلي السهلي رحمه الله يصف قبيلة السهول ويفخربها

[شامخ]

قال الشاعر الكبير شنار بن سداح المنجلي السهلي رحمه الله يصف قبيلة السهول ويفخر بها :

ربعي السهـول اللـي فعايلهـم تبيـن = كـم شيـخ قـوم قـد كلـوا قبايلـه
عينت ابن دواس من قـد لـه سنيـن = ذبه مهنـا (1) جـاب درعـه شايلـه
ومع مطلق الجربـا خيـار الطيبيـن= زاله خزيـم (2) يـوم ربـي زايلـه
ومورخ عرهان (3) عقـب الأوليـن =راعـي الأصايـل والعلـوم الطايلـه
وحمود (4) شيخ الشداد مسلسة القرين =يضرب جنب شقـح شعوهـا القايلـه
ياحضرة الظهران (5) وين الطيبيـن =ويـن العيـال اللـي قفدهـا مايـلـه
كسابـة النامـوس فـي دنيـا وديـن = جهالهـم تنـطـح شـبـاة العايـلـه
والاد علي (6) مرويـة حـد السنيـن = عز الضعيف اللـي جـذت رحايلـه
وسعود بـن جـلال ذبـاح السميـن = ياسعـد مـن ربعـه مثـل قبايـلـه
والاد قبـان (8) مقحميـن الاكاويـن = على العـدا يركـون حامـي ملايلـه
وترى المحنى (9) عند جرعات الحنين = يفتـك شــول زاهــي شمايـلـه
ولا صاح صايح وركبوهـن بحيـن = تركب فضول (10) فوق قب اصايلـه
واهل المتارس (11) في المواقف بينين =ذبـاحـة لـلـروم فــي وهايـلـه
والاد العبيدي (12) بالمواكر معتليـن =وايضا الصعبي (13) بينـاتٍ فعايلـه
وانا (14) هل النزل اليا جو صايليـن= تنزل دوانيـق (15) تـرد الصايلـه
ربعي زمـام الحـرب للـي معتديـن = حريبهـم يقضـي عـلـى ملايـلـه

هوامــــــــــــــش :

1- مهنا بن سويحل البرازي السهلي : يعد من فرسان نجد المشهورين .
2- خزيم بن لحيان البرازي السهلي : من شيوخ البرازات ومن الفرسان الذين ذاع صيتهم .
3- عرهان بن باتل البرازي السهلي : يعد من اشجع فرسان العرب واشهرهم .
4- حمود بن جلعود المحيميدي السهلي : احد شيوخ ال محيميد وفرسانهم المعروفين . قال احد فرسانهم :
وإن لحقت الخيل للتالي نرد بهـا = نفك تالـي الونايـا والمداغيـش
والسابق اللي يبي الناموس راكبها = اعتاض فيها الرسن والدناديـش
خليتها في جناب الحزوم معطبها = كله عن الجيش مبعدة المناحيـش



5- الظهران : من افخاذ قبيلة السهول , منهم فرسان وشجعان كثيرون . قال ناصر بن شعف المحيميدي السهلي :

ونعم يالظهران يامطوعة روس الصعاب = سورنا يوم المحاجي مطوعيـن العـداه
درعنا اللي ضافِ يوم كلحـات النيـاب = من سموم القيظ والبرد جينـا فـي ذراه
ضوهم يوم الحرايـب تزايـد بالتهـاب = من بغى تالي حياته فلا يقـرب سمـاه

6- الزقاعين من افخاذ قبيلة السهول وعزوتهم ( الاد علي ) منهم فرسان وشيوخ مشهورين .
7- سعود بن جلال الزقعاني السهلي : احد ابرز كراء العرب .

8- القبابنه : احد افخاذ قبيلة السهول اشتهروا بالشجاعه والكرم والفروسيه ومنهم فرسان كثيرون , مثل الشيخ ناصر بن شخيتل السهلي ومشنان بن شخيتل القباني السهلي والذي اشتهر في نجد بالشجاعه والفروسيه ففي احدى المعارك حول بفارس من فرسان نجد المشهورين ثلاث مرات من على جواده وفي كل مره يعفو عنه .
ومنهم الكريم المشهور سلطان بن ذيب السهلي وابنه عبدالله المشهور ايضاً بالكرم والذي رثاه ظافر الدوسري بقوله :

يبكي عليه الصحن والنجر والدلـه =والضيف ان جاه جافينه معازيبـه
وتبكيه هجن من المطراش منتلـه = ان جات من صوب فج عاوي ذيبه

9- المحانيه : احد افخاذ قبيلة السهول منهم فرسان وكراء معروفون . قال محمد بن زليغيف المحنى يخاطب ابنه ويمدح جماعته :

اذكر جمايل فاطرك يابو هندوس =واحسب لقاها لين يافي شهرهـا
تراك من ربع تنوس الخطر نوس = لا جاتهم العـرا تبيـن ظهرهـا
لا رددوا نشر الفراقين في الدوس= يجيك من يـم المبنـق خبرهـا

10 – ال فضل : شيوخ المحانيه مشهورين بالشجاهع والفروسيه

11- المحلف احدى افخاذ قبيلة السهول لهم معارك مشهوره ومعروفه . وقال علي بن جوده المحلفي السهلي يمدح جماعته في احدى الوقائع :

حنا سهول لا نكر كل شيطان = حريبنا يكهل بشيلان ثوبـه

12- ال عبيد : احد افخاذ قبيلة السهول اشتهروا بالشجاعه والكرم وعرف منهم فرسان وشعراء مجيدون , قال الشاعر الفارس علي بن طريخم ال عبيد السهلي في احدى المعارك التي انتصروا فيها :

من نشد عنا فحنا نازلين على جال المسيل = كل شيطان نوطي على راسـه حصـاه
نحمـد الله ماعلينـا مـن الدنيـا قليـل = تسعـة اسـلاف تجينـا رد الـوصـاه

13 – الصعوب : من افخاذ قبيلة السهول منهم فرسان معروفون وشعراء مجيدون .

14 – ال منجل : إحدى افخاذ قبيلة السهول منهم شجعان وفرسان معروفون

15 – الدوانيق : هم ال ريحان امراء ال منجل فرسان مشهورون









تحياتي شاااااااااامخ

[ابن الــصــحــراء]

لهنت على النقل اخوى شامخ

[محمد عبدالله]

اللـ يرحــمه ويسكــنه الجنــه


لاهنتـ اخوي على النقــل الرائــع



وبيض الله وجهــك

[شامخ]

ابن الصحراء
مشكوووور يا الغالي ع المرور العطر

محمد عبدالله مشكوووور يا الغالي ع المرور العطر